တင်မိုး (၁၉၃၃-၂၀၀၇)

September 20, 2008

မန္တလေးတက့္ကသိုလ် ကလောင်ရှင်အသင်းက ထင်ရှားလာတဲ့ ကဗျာဆရာကြီး။

အမည်ရင်း ဦးဘဂျမ်းဖြစ်ပြီး အဖ ဦးဘအို အမိဒေါ်စံထယ်တို့က မြင်းခြံခရိုင် တောင်သာမြို့နယ် ကန်မြဲရွာမှာ ၁၉၃၃ နိုဝင်ဘာ ၁၉ ရက်မှာ မွေးပါတယ်။ ဇဂျမ်းတိုင်းရင်းမြန်မာအလယ်တန်းကျောင်း၊ မန္တလေးကျောင်းတိုက် ဆရာတော် ဦးအာစရကျောင်း၊ ပခုက္ကူဦးခင်မောင်ကြီး ကျူရှင်ကျောင်းတို့မှာ ပညာသင်ကြားခဲ့ပြီး ဆယ်တန်းစာမေးပွဲကို ရေစကြိုအစိုးရအထက်တန်းကျောင်းက အောင်မြင်ပါတယ်။

၁၉၅၇ မှာ မန္တလေးတက္ကသိုလ်မှာ စပြီး ပညာသင်ပါတယ်။၁၉၆၅ မှာ မန္တလေးတက္ကသိုလ်က ၀ိဇ္ဖာဘွဲ့ရပါတယ်။

အမျိုးသားစာဆိုလို့ အများက သတ်မှတ်လက်ခံကြတဲ့ ကဗျာဆရာကြီး တင်မိုး

၁၉၅၀ မှာ မန္တလေးထုတ် ဗဟိုစည် သတင်းစာမှာ ၀ါကျွတ်သဘင် ကဗျာ ကို ကန်မြဲသက်နှင်း ကလောင်အမည်နဲ့ ရေးပြီး ၁၉၅၁ အထက်မြန်မာနိုင်ငံ စာရေးဆရာအသင်း စာဆိုတော်မဂ္ဂဇင်းမှာ ကန်မြဲနန်းမြင့်နွယ် ကလောင်အမည်နဲ့ လယ်ထဲက တေးသံချို ကဗျာကို ရေးခဲ့ပါတယ်။ ၁၉၅၅-၅၈ ကိုရင်ဂျမ်း၊ စန်းရောင် ကလောင်အမည်တွေနဲ့ ကဗျာရေးခဲ့ပြီး ၁၉၅၈ ကစပြီး တင်မိုး ကလောင်နာမည်ကို သုံးခဲ့ပါတယ်။

၁၉၅၈-၅၉ မန္တလေးတက္ကသိုလ် ကလောင်ရှင်အသင်း ဒုတိယဥက္ကဌ၊ ၁၉၆၀ မှာ ဥက္ကဌ အဖြစ်ဆောင်ရွက်ပြီး ၁၉၅၉ ဖေဖော်ဝါရီလမှာ ဖန်မီးအိမ်ကဗျာစာအုပ်ကို မန္တလေးတက္ကသိုလ်ကလောင်ရှင်အသင်း စာစဉ် စာအုပ်အမှတ် ၁ အဖြစ်ထုတ်ဝေပါတယ်။ ဒီစာအုပ်နဲ့ စာပေဗိမာန် ဆုရပါတယ်။ မန္တလေးတက္ကသိုလ်ကလောင်ရှင်အသင်း-ရှု။

၁၉၆၃-၆၇ အထက်ဗမာနိုင်ငံ စာရေးဆရာအသင်း အမှုဆောင်။ ၁၉၆၅ ဖန်မီးအိမ်စာအုပ်တိုက်၊ ၁၉၆၆-၆၇ မှာ လူထုသတင်းစာ ကဗျာ အယ်ဒီတာအဖြစ်ောဆင်ရွက်ခဲ့ပါတယ်။ ၁၉၆၇-၈၇ ရန်ကုန်တက္ကသိုလ်မှာ ဘာသာပြန်နဲ့ စာအုပ်ထုတ်ဝေရေး ဌာန စာပြုနဲ့ လက်ထောက် အယ်ဒီတာအဖြစ် အမှုထမ်းခဲ့ပြီး ၁၉၆၇-၈၄ အခြေခံပညာ သင်ရိုးညွှန်းတမ်း မြန်မာစာသင်ရိုးအဖွဲ့ဝင်အဖြစ် ကျောင်းသုံးမြန်မာဖတ်စာ စာမူရွေးခြယ်ခြင်း ရေးသားခြင်းပြုလုပ်ခဲ့ပါတယ်။

၁၉၇၀ ပြည့်နှစ်မှာ ထီးကလေးနဲ့ မနီ ကဗျာစာအုပ်နဲ့ အမျိုးသားစာပေဆု ရပါတယ်။

၁၉၈၈ မှာ ဒီမိုကရေစီရရှိရေး လှုပ်ရှားမှုတွေမှာ ပါဝင်ပြီး အမျိုးသားဒီမိုကရေစီအဖွဲ့ချုပ် တတ်သိပညာရှင်များအဖွဲ့တွင် ပါဝင်ခဲ့ပါတယ်။ ၁၉၉၁ ကနေ ၁၉၉၅ အထိ စစ်အစိုးရက ဖမ်းဆီး ထောင်ချခဲ့ပါတယ်။

၁၉၅၈ မှာ ပန်းလက်ဆောင်၊ ၁၉၅၉ မှာ ဖန်မီးအိမ်၊ ၁၉၆၃ မှာ လှေတစင်းနဲ့ သီချင်းသည်၊ ၁၉၆၄ မှာ အဖိုးက၀ိ ကဗျာများ၊ ၁၉၆၅ အှာ အမေ့ကျောင်း၊ ၁၉၆၆ မှာ လူလေးကြီးရင် ဘာလုပ်မယ်၊ ၁၉၆၇ မှာ ပန်းဈေးခင်း၊ ၁၉၆၉ မှာ စိမ်းလန်းသောအိပ်မက်၊ ၁၉၆၉ မှာ ပိတောက်မှသရဖီ၊ ၁၉၇၀ ထီးကလေးနဲ့ မနီ၊ ၁၉၇၂ မှာ ဆီးသီးသည် မဗျိုင်း၊ ၁၉၇၂ မှာ ခုနှစ်စဉ်ကြယ်၊ ၁၉၇၃ မှာ နှင်းဆီပွင့်ပေါ် အိပ်ပျော်ခြင်းနဲ့ ပိ်ျုးခင်းတေးသံ၊ ၁၉၇၅ မှာ ပူစီ၊ ၁၉၇၇ မှာ ပုဂံကျောင်းက ခေါင်းလောင်းသံ၊ ကိုရင်ဂျမ်း အစမ်းစာ၊ ကလေးကဗျာပန်းဥယျာဉ်၊ ၁၉၉၇ မှာ ကံ့ကော်ရိပ်မှ အိပ်မက်များ၊ ၁၉၉၈ မှာ ကန္တာရနှစ်များ ကဗျာစာအုပ်တွေ ရေးသားထုတ်ဝခဲ့ပါတယ်။

၁၉၉၉ မှာ ပြည်ပကို ထွက်ခွါခဲ့ပြီး ကဗျာပေါင်းချုပ်အပါအ၀င် ကဗျာစာအုပ် ၅ အုပ်ရေးသားထုတ်ဝေခဲ့ပါတယ်။

၁၉၉၉ ကနေ ၂၀၀၇ ခုနှစ် အထိ ပြည်ပအခြေစိုက် BBC, RFA, VOA မြန်မာရေဒီယိုတွေနဲ့ စာနယ်ဇင်း အင်တာနက်စာမျက်နှာတွေမှာ စာကဗျာရေးသားခြင်း များပြုလုပ်ခဲ့ပါတယ်။

၂၀၀၂ မှာ အမေရိကန်ပြည်ထောင်စု အခြေစိုက် လူ့အခွင့်ရေးစောင့်ကြည့်ရေးအဖွဲ့က Hellman-Hammett Grant ဆု၊ ၂၀၀၄ အောက်တိုဘာမှာ နယ်သာလန်နိုင်ငံက Prince Claus Award စာပေဆုတို့ကို ချီးမြင့်ခံရပါတယ်။

၂၀၀၇ ဇန်န၀ါရီ ၂၂ ရက်နေ့မှာ အမေရိကန်ပြည်ထောင်စု လော့စ်အိန်ဂျယ်လိစ်မြို့ နေအိမ်အနီး လက်ဖက်ရည်ဆိုင်မှာ ကွယ်လွန်ခဲ့ပါတယ်။

Advertisements